Egindako hipotesiak zuzenak diren ikusteko, eta artilea egiteko prozesua nolakoa den ikasteko, bideoa ikusiko dugu.

Bikoteka, entzunaren ulermena lantzeko galderei erantzunen diete.

1- Artilea egiteko prozesuak hainbat pauso ditu. Pauso horiek ordena itzazu:

Zenbakia	Pausoa
	Ilea harrotu.
	Ilea garbitu.
	Ilea moztu.
	Egurrezko tresna baten laguntzaz, haria bildu.
	Ilea bildu, soka forma har dezan.
	Ilea eskumuturrean bildu.
	Bueltak eman, hari forma har dezan.
	Ilea lehortu.

2- Non lehortzen zuten garbitutako artilea?

3- Zenbat denbora behar izaten du ardi ileak garbitu ondotik lehortzeko?

4- Zein da errazagoa lantzeko: ile motza edo luzea?

5- Zer xaboi erabiltzen da ardi ilea garbitzeko?

6- Egin den haria motza bada, bertze zati batekin elkar daiteke?

7- Kolore beltza egiteko zer erabiltzen zuten lehen?

Bukatzean, talde handian, denon artean galderak zuzenduko ditugu.

Google aurkezpenak edo PowerPoint erabilita, artilea egiteko prozesuaren berri eman beharko duzuenez, lehenbizi, binaka jarrita, azalpen testu bat idatziko duzue. Horretarako, denon artean azalpen testu batek dituen atalak birgogoratu eta arbelean eskema idatziko dugu:

• Izenburua

• Sarrera

• Prozesua pausoz pauso

Ondotik, aurkezpena osatzeko, zuen Chroomebookak erabiliz, informazio osagarria, bideoren bat gehiago eta argazkiak bilatuko dituzue. Gogoan izan musika ere paratzen ahal duzuela.

Aurkezpenak hagitz bisuala izan behar du, beraz, ez ahaztu atalak ongi markatuta agertu beharko direla.

Ideiaren bat gehiago baduzue (adibidez, zer egiten den/zen artile horrekin), baloratuko zaizue. Horrez gain, originaltasuna eta txukuntasuna ere kontuan hartuko dira.

Prozesu guztia azaldu eta gero, aurkezpena prestatuko duzue eta aurkezpen horretan oinarrituz, taldekideei aurkeztuko diezue.