Jarraian, bideoa proiektatuko dugu gelan.

Banaka galderei erantzunen diezue:

1- Berriemalearen ustez, bertsolariek zergatik dute meritua?

2- Berriemaleak zer zailtasun izaten du bertso zaharrekin?

3- Berriemaleak zerekin konparatzen du bertsolarien prestakuntza? Zure erantzuna arrazoitu:

4- Zer alde dago berriemalek aipatzen dituen bi bertso moten artean?

Bukatzean, denon artean zuzenduko dugu.

Gaztezuloko artikulu honetan raparen eta bertsolaritzaren arteko antzekotasunak eta aldeak aipatzen dira. Denon artean irakurriko dugu ozenki eta horren ondotik, binaka honako taula beteko duzue:

 

Ezaugarriak	Bertsoa	Rapa
Bat-batekotasuna
Elkarren artean lehiatzeko erabili, ikusteko nor gailenduko den.
Errima du.
Neurriak zurrunak dira.
Kronika soziala egiteko balio du.
Kritikatzeko balio du.

 

 

1986ko Euskal Herriko Txapelketa Nagusian Andoni Egañak eta Anjel Mari Peñagarikanok botatako bertsoa musikatu zuen Negu Gorriak taldeak. Garai hartan iraultzailea izan zen Fermin Muguruzaren taldeak egindako bertsioa, amonaren eta gaztearen arteko elkarrizketan, gaztearen zatia rapeatzen eman baitzuten. Jarraian, Bertso Hop kantua adituko dugu eta hutsuneak beteko dituzue:

Gaia: Peñagarikanok gaur egundoko parranda egin du. Eta etxera etortzean, emaztearen ohean sartu ordez, Egaña, amonaren ohean sartu zara.

1. Egaña (amona)

__________________ korrozka,

bestetik errena,

ohia okupatu du

hori da __________________,

ez da pinta kabala

honek dakarrena,

__________________ gabe

ohean barrena,

pixkat gutxio __________________

ezazu hurrena. (bis)

 

2. Peñagarikano (gaztea)

Gaur __________________ jo ta ke

hor dabil gizona,

lehenen pasilloa jo

ta gero komona,

uste nuen hau zala

nik nere __________________,

laztantzen hasi naiz ta

ez da horren ona,

__________________ nator eta

barkatu amona. (bis)

 

3. Egaña (amona)

Ez diot txartzat hartu

__________________ hastea,

nahiz oraindik ez egon

holako gaztea,

ez da gauza ederra

buru eskastea,

hari __________________ behar

holako trastea,

martiri bihurtu du

bere __________________. (bis)

 

4. Peñagarikano (gaztea)

Nun ibili naizen ni

esan det __________________,

amonaren ondoan

ederki ez nago,

izan ere edan det

horrenbeste __________________,

gutxienez bazitun

hoitazazpi grado,

__________________ egin behar det eta

oñala nun dago? (bis)

 

5. Egaña (amona)

Ohean sartu zaigu

kolpera onduan,

lapur gaizto ta __________________

hoietxen moduan,

pixa egin ezazu

toki seguruan;

__________________ banatzeko

hemen inguruan,

poltsa __________________

joko det buruan. (bis)

 

6. Peñagarikano (gaztea)

Poltsa beroarekin

hortxe jo nau __________________!

Ni ez naiz lotsatuko

egia __________________,

amonan errezoa

__________________ izan da:

«Requiem est domine

virgo beneranda»,

gehio ez naiz etorriko

amona __________________. (bis)

 

Bukatzean, denon artean zuzenduko dugu eta, hori egin ostean, komentatuko dugu bertsoa gustatu zaizuen, ongi ulertu duzuen, zerk eman dizuen atentzioa…

Bertso Hopi buruz gehiago jakin nahi izanez gero, erraterako, nola bururatu zitzaien bertso horiek rapeatuz musikatzea, bertsoikasgelaren webgunera jo dezakegu.

Raparen inguruan gehiago sakontzeko, aldiz, Bertsolari aldizkariko elkarrizketa hau baliatzen ahal dugu.

Bertsolaritzaz eta rapaz aritu garenez, bikoteka bertsolari edo rapero bati buruzko biografia bat eginen duzue.

Horretarako, biografia ereduak irakurriko dituzue, jakin dezazuen nolako testua sortu behar duzuen. Hori bukatutakoan, binaka pertsona bat aukeratu eta berari buruzko informazioa bilatuko duzue lehenik. Kontuan izan hautatutako pertsona hori sortu zenetik gaurdaino edo hil arteraino dagoen informazio nabarmenena agertu behar dela.

Hauek dira eskatuko zaizkizuen gutxienekoak:

• Azala (Izenburua, zuen izen-abizenak, taldea eta data)

• Aurkibidea

• Izenburua

• Argazkia

• Non eta noiz sortu eta hil zen.

• Zer egin duen.

• Erabilitako informazio iturriak