Emaginak eta garai bateko erditzeak / Euskalkiak

Maila: DBH 3 eta 4

Herria: Arbizu

Iraupena: Bortz saio

Irakasgaia: Euskal Hizkuntza eta Literatura

Helburuak

  • Nafarroako ondare kulturalaren eta sozialaren berri izan eta lantzea.
  • Euskalkiak lantzea (Goi Nafarrera – Hego sartaldea)
Transkripzioa

Denak etxeetan jaiotzen zineten, ez?

Denak. Denak, bai.

Bazegoen emaginik?

Bai, bai. Zuen senitartekoa zen Lakuntzan, Lakuntzan bizitzen zen emagina, Elbira, bai. Orain semea hil zaie, bai. Akordatu nintzen zuetaz, e? Zeren senitartekoak izaten ziren zuen amarekin, Anttonenarekin, bai eta haren ama ibiltzen zen. Gero beste bat bazegoen e… Jonaneko Maria Jesusen amona, pues horiek ibiltzen ziren a la buena de Dios, dena ongi ateratzen zen.

Zuek etxean eduki zenituzten edo zuek ja amaetxera?

Ez… A! Guk? Guk? Guk?

Bai.

Bai, amaetxean denak, e? Denak amaetxean.

Zure belaunaldia ja izan zen… ja gutxi gorabehera aldatu zena??

Bai. Bai, bai, bai, aldatu zen. Aldatu zen, bai, bai, bai, bai. Osea que etxean jaiotzen zirenek badakizu, garbitasunean ere, pues e… kontua eduki behar zenuen. Eta gero jendea hasi zen pixka-pixka Iruñera, Iruñera amaetxera eta, pues hola izan genituen. Bi batera eduki nuen, eduki nituen eta, gero beste Iñigo hau, Lizarran dagoena, pues oi, pues que si de un asfixio, no asfixio, hola gelditu zen. Eta horrela konpondu gara. Bai.

Iraupena: 01:40

Lehenbizi, garai bateko erditzeei buruz zer dakiten galdetuko diegu:

Garai batean haurrak non jaiotzen ziren?

Etxean haurrak jaiotzen zirenean, nork laguntzen zuen?

Zer dira emaginak?

Horrelakorik aditu duzue inoiz?

Ondotik, Arbizu edota Sakanari eta bertako euskarari buruzko aurrezagutzak aktibatuko ditugu, horrek lagunduko baitigu egin beharreko lana egokitzen, jakinen dugulako nondik abiatu behar dugun.

Arbizu Nafarroako mapan non kokatuko zenukete?

Sakana non dago?

Sakanako euskara inoiz aditu duzue?

Sakanako euskararen zer ezaugarri nabarmenduko zenukete?

Arbizu Nafarroa Garaiko ipar-mendebaldeko udalerri bat da, Sakana eskualdekoa. Iruñetik mendebaldera 34 kilometrora dago.

Menua