- Zenbat/zer egitura lantzea.
- Jarraibide testua: errezeta bat egitea.
Otorduak
Helburuak
Lehenbizi, garai bateko otorduei buruz zer dakizuen ikusiko dugu:
Garai batean zer gosaltzen, bazkaltzen eta afaltzen zuten?
Herrietan bizi zirenek hirian bizi zirenek baino baliabide gehiago zuten jateko?
Taloak jaten ziren?
Ondotik, Eugiri buruzko aurrezagutzak aktibatuko ditugu honako galderen bidez:
Zer dakizue Eugiri buruz?
Nafarroako mapan non kokatuko zenukete?
Egon zarete inoiz bertan?
Aurrezagutzak aktibatu eta gero, bideoa proiektatuko dugu entzunaren ulermena lantzeko.
Bakarka entzunaren ulermena lantzeko galderei erantzunen diezue.
1- Zein dira berriemaleak aipatzen dituen bi gosariak?
2- Ogia izaten zuten gerra ostean?
3- Berriemaleak ogia errazionatua zutela dio. Zer erran nahi du horrek?
4- Berriemaleak zer gosari nahiago zuen: ogia edo taloa?
5- Zer da “marrakuku”?
6- Marrakukuez ari dela, “Agudo garbitzen ziren!” erran du berriemaleak. Zer erran nahi du?
7- Gaur egun saltzen diren taloak gustuko ditu? Zergatik?
8- Zer da “maatxarrua”? Zertarako erabiltzen zuten?
9- Urte batzuetan zer gosaltzen, bazkaltzen eta afaltzen zuten?
10- Hainbertze baba janda, nazkatuak zeuden?
11- Babak nola lortzen ziren?
Bukatzean, denon artean zuzenduko ditugu galderak.
Lehenbizi, zuen Chromebooken laguntzaz bikoteka taloaren jatorriari buruzko informazioa bilatuko duzue. Horretarako, galdera hauek balia ditzakezue:
- Nondik heldu da?
- Garai batean noiz jaten zen?
- Orain noiz jaten da?
- Zein osagai ditu?
- Nola prestatzen da?
- Zer gehitzen ahal zaio taloari?
Euskaraz zenbat/zer egitura nola idatzi behar den lantzeko, bakarka honako ariketa eginen duzue:
Nola erranen zenuke euskaraz…? Erantzun egokian X paratu:
|
un baso de agua |
ur baso bat |
|
|
baso bat ur |
||
|
200 gramos de harina |
200 gramo irin |
|
|
irinezko 200 gramo |
||
|
un puñado de sal |
eskukada bat gatz / eskutada bat gatz |
|
|
gatz eskukada bat / gatz eskutada bat |
||
|
un litro de leche |
esne litro bat |
|
|
litro bat esne |
||
|
una cucharada de azúcar |
koilarakada bat azukre |
|
|
azukre koilarakada bat |
||
|
una botella de vino |
ardo botila bat |
|
|
botila bat ardo |
Helburua errezeta bat egitea izanen denez, lehenbizi, errezeta bat nola egiten den ikusiko dugu, ereduan oinarrituta, zuena presta dezazuen. Errezeta batek izan beharreko atalak arbelean idatziko ditugu, baina hori egiteko, zuen ezagutzetatik abiatuko gara.
Nork daki errezeta batek zer atal duen eta zer itxura duten?
Bikoteka marrakukuaren errezeta prestatu beharko duzue. Horretarako, gelan landutako guztiaz gain, egin beharrekoa osatzeko, Chromebookean taloaren errezetak kontsulta ditzakezue, argazkiak hartu, eta abar.
Errezeta landuagoa egin nahi baduzue, aldiz, arbelean proposatutako eskemaz gain, pauso bakoitzaren argazkia edo marrazkia gehi dezakezue. Edo, gaia gehiago landu nahi izanez gero, etxean egin dezakezue eta bideoz grabatu.
Bertze aukera bat zuen herriko jaki tipiko baten errezeta egitea izan liteke.